....
منتدى الهنا يرحب بيكم وبكل الزوار والاعضاء ونتمى قضاء احلى واسعد الاوقات
 
الرئيسيةالرئيسية  مكتبة الصورمكتبة الصور  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 ازاي اعمل طاجن لسان عصفور

اذهب الى الأسفل 
كاتب الموضوعرسالة
اتـــش
مشرف
avatar

عدد الرسائل : 376
العمل/الترفيه : من عباد اللة
المزاج : رايق اوى
تاريخ التسجيل : 12/10/2008

مُساهمةموضوع: ازاي اعمل طاجن لسان عصفور   الأربعاء نوفمبر 26, 2008 11:32 am

قصدك شعرية لسان عصفور؟؟!!
أصلها مش بيتقال عليها طاجن

أقولك انا على طريقتين

أول طريقة بمكعبات مرقة دجاج

وتاني طريقة بشوربة فراخ

الأولى هي السهلة


المقادير

مكعب مرقة دجاج

3 أكواب ميا

فنجان شعرية لسان عصفور

ملح

طبعا المقادير لو زادت هتزيد بنفس المقدار ده

الطريقة

تجيب مكعب مرقة دجاج وتغلي 3 كوبيات ميا

ولما الميا تغلي بالمكعب طبعا بعد ماتفركه وتدوبه في الشوربة (في الميا يعني)

على جنب بقى في حلة تانية

تحط معلقتين زيت أو معلقة سمنة حاجة من الاتنين

وتسخنهم شوية على النار وبعدها تضيف فنجان شعرية لسان عصفور

وتقلبها بسرعة بسرعة والنار وسط أو عالية لحد مالونها يصفر أو يبقى برتقالي كده

وأول ماتلاقيها اتحمصت كده تضيف عليها الشوربة اللي عملتها

وبعدين تظبط الملح بتاعها

وتستنى شوية على الشعرية لما تغلي وخمس دقايق على ماتستوي

بس كده

نيجي بقى للطريقة التانية

بدل الميا ومكعب الدجاج هتحط شوربة فراخ

تتعمل ازااااي؟؟؟


المقادير

فرخة

بصلة متوسطة

ملح - فلفل - 2 حبهان - ورق لورى

الطريقة

تجيب الفرخة وتحطها في حلة مليانة ميا (الميا تكون مغطية الفرخة)

وبعدين تحط على الميا بصلة متوسطة وملح (تظبط الملح بتاعها يعني أد ملعقة مليانة ونص ملح)

والحبهان وورق الورى والفلفل الأسود

تستنى لما الميا تغلي هتلاقي فيه شوائب على وش الفرخة

شيلها بالمعلقة كل مرة لحد ماتروح أو تخف أوي

بعد كده استنى حوالي نص ساعة وشوف الفرخة استوت وللا لسة

تعرفها ازااااااااااي؟؟؟

هتلاقي جناح الفرخة لو حاولت تشيله أو تشده لفوق بالمعلقة كده هيتقطع بسهولة

كده الفرخة استوت

تشيل بقى 3 أكواب من الشوربة وتحطها على الشعرية بعد ماتحمصت

وتستنى شوية على الشعرية لما تغلي وخمس دقايق على ماتستوي

بس كده

يبقى خلصت الطريقة التانية

وبالهنا والشفا
__________________

_________________
اذا اردت شى فاطلقة فان عاد فهو ملك لك وان لم يعد فلم يكن لك من البداية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alhanaa.ahlamontada.net
 
ازاي اعمل طاجن لسان عصفور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الهـــــــــــــــــــــــــــــــــــــنا صلى على الحبيب النبى :: المنتدى الاجتماعى( الاسرة _ الطفل) :: منتدى حواء(للبنات فقط)-
انتقل الى: