....
منتدى الهنا يرحب بيكم وبكل الزوار والاعضاء ونتمى قضاء احلى واسعد الاوقات
 
الرئيسيةالرئيسية  مكتبة الصورمكتبة الصور  اليوميةاليومية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 قمة شياكتك في شتاء 2009

اذهب الى الأسفل 
كاتب الموضوعرسالة
دلوعه المنتدى
مديرعام
مديرعام
avatar

عدد الرسائل : 428
العمر : 30
العمل/الترفيه : مدرسه
المزاج : اسيرة الاحزان
جنسيتك : مصر
تاريخ التسجيل : 12/10/2008

مُساهمةموضوع: قمة شياكتك في شتاء 2009   الثلاثاء نوفمبر 11, 2008 6:26 am

شوفي يا قمر علشان تكوني في قمة شياكتك في شتاء 2009 يبقى لازم تكوني ذكية وتعرفي شوية الحاجات البسيطة دي...
أولا: بلاش تجري ورا الموضة

دي نقطة دايما بنأكد عليها في كلامنا وهي إنك المفروض ما تجريش وراء الموضة مهما كانت الموضة دي عاجباكي؛ لأن الموضة دي ممكن تكون مش مناسبة ليكي...
كمان مش لازم الموضة اللي نازلة تكون كلها حاجات حلوة لأن ممكن تظهر حاجات تكون موضة بس شكلها مش حلو وفي الوقت ده لازم تاخدي بالك كويس وتختاري الأشكال الحلوة وتبعدي عن الحاجات اللي مش حلوة...
ثانيا: مش لازم ماركات غالية

مش شرط أبدا علشان تكوني شيك إن لبسك يكون ماركات عالمية وغالية بالعكس إنت ممكن تجيبي حاجات بأسعار عادية جدا وتوفّقيها مع نفسك وفي نفس الوقت تبان الحاجات دي في منتهى الشياكة من غير ما تدفعي فلوس كتير.
ثالثا: لكل جسم عيوبه

لازم تكوني عارفة إن كل جسم فيه عيوب وإن مفيش حد قوامه مثالي وإن كل الحكاية إن فيه ناس بتقدر إنها تشوف العيوب بتاعة جسمها وتشوف إزاي إنها تداريها؟!
علشان كده مش عايزاكي تتكسفي من جسمك وتاخدي بالك إنك تختاري اللبس اللي يداري عيوب جسمك وده هتعرفيه وإنت في المحل أثناء ما بتقيسي لبسك تبصي في المراية وتشوفي إذا كان اللبس ده مناسب ليكي ومداري فعلا عيوب جسمك ولا لأ؟!
يعني من الآخر.. لو لقيتي موديل مداري عيوب جسمك وشيك عليكي يبقى اشتريه لكن لو كان مش مداري عيوب جسمك يبقى شوفي موديل تاني يكون مناسب ليكي..
رابعا: خليكي موضوعية مع نفسِك

فيه غلطة بتقع فيها بنات كتير وهي إنهم يقولوا إن لون بشرتهم غامقة يبقى يلبسوا الألوان الفاتحة ويبعدوا عن الألوان الغامقة ودي حاجة مش صح بالمرة وده لأن كل بشرة لها درجة معينة وبالتالي بنلاقي إن البنت اللي بشرتها قمحية بدرجة معينة ممكن يليق عليها اللون الأحمر الداكن ويفتح لون وشها كمان..
علشان كده عايزاكي تبقي موضوعية مع نفسك وإنت بتقيسي هدومك وتقفي قدام المراية وتشوفي إذا كان اللون ده مناسب فعلا ليكي ولا لأ؟
أعتقد إنك لو مشيتي على الكلام ده هتقدري فعلا إنك تكوني بنت متميزة في شتاء 2009
ودلوقتي حالا هنعرف الموضة
بالنسبة للبلوفرات

طبعا البلوفر من القطع الأساسية والتقليدية في فصل الشتاء بس السنة دي حصل نقلة كبيرة في شكل البلوفر فهنلاقي بلوفرات بأشكال وخامات وألوان متعددة فهنلاقي خامات زي "الصوف" و"الموهير" و"الصوف على قطن" و"الكشمير".....
ودي تشكيلة متنوعة من البلوفرات هتساعدك على الاختيار

بلوفر طويل على شكل تونيك لونه رمادي غامق ممكن إنك تلبسي عليه "بنطلون أسود" أو "رمادي" وتحت البلوفر تلبسي "بادي أبيض" أو "أحمر"... ولو كنت محجبة يبقى تلبسي طرحة "حمراء" أو "رمادي"...

بلوفر أزرق قصير نازل بقصّات من تحت الصدر.. ممكن إنك تلبسي معاه "بنطلون أسود" أو "أزرق غامق".. وعلى فكرة اللون الأزرق بدرجاته المختلفة هو موضة شتاء 2009.


ده شكل تاني من أشكال البلوفر التريكو نازل وعلى فكرة الشكل ده كان موجود زمان في السبعينات ورجع تاني موضة وبيتميز بالغرزة العريضة وبالتالي هتلاقي نفسك محتاجة إنك تلبسي بادي من تحته.. وعلى فكرة اللون الأخضر بدرجاته المختلفة هو موضة شتاء 2009.

ظهر في شتاء 2009 موضة جديدة وهي البلوفر 3/4 كم وده هيحتاج إنك تلبسي تحته بادي يكون لونه زي لون البنطلون..


اللون الموف كان موجود معانا في شتاء 2008 وبنلاقيه معانا وبقوة في شتاء 2009.
وطبعا اللون النبيتي والأحمر بدرجاتهم المختلفة هما ملوك الموضة في كل شتاء.


الفستان الصوف الطويل

تعود في شتاء 2009 موضة الفساتين الصوف اللي بتصل إلى فوق الركبة.. وطبعا في الحالة دي هتحتاجي إنك تلبسي بنطلون تحت الفستان ده..


الجاكيت


يعتبر الجاكيت من القطع الشتوية اللي محدش يقدر يستغني عنها خصوصا في أيام الشتاء الباردة... والجواكت ليها تصميمات متعددة منها الطويل ومنها القصير وفيه منها المصنوع من الجلد أو الصوف أو الوتربروف أو الجينز..
والجاكيت بيتميز بإنه ممكن تلبسيه لوحده بس تلبسي من تحته بادي يكون لونه مناسب للون الجاكيت.

البنطلونات


هتلاقي إن البنطلون الجينز الغامق هو المتربع على عرش الموضة في شتاء 2009.

وبالنسبة للقماش هتلاقي إن البنطلونات القماش والصوف بألوانهم المختلفة هما برضه موضة شتاء 2009.

الجوبات


الجوبات نازلة الشتا ده بأشكال وخامات مختلفة، فهتلاقي القطيفة والجبردين والجينز، وكمان فيه تنوع في القصات بين الصك والإيفازيه والكلوش، وكمان فيه جيبات قصيرة اللي بتناسب الشتاء لأنك بتلبسي تحتها بوت طويل.



وعلى فكرة جميع أنواع الموديلات اللي عرضناها دي مناسبة لأي بنت محجبة إنها تلبسهم وتلبس معاهم الحجاب..
ولغاية هنا وخلص عددنا المرة دي..
يا رب نكون اخترنا الموديلات اللي ترضي أذواق جميع قراء قمر 14 الأعزاء..
ولسه العدد اللي جاي فيه مفاجأة جامدة قوي علشان شياكتك تكمل..
ومن هنا للأسبوع اللي جاي
اوعوا تنسوا تبعتوا وتقولوا بصراحة على رأيكم في العدد...
سلااااام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قمة شياكتك في شتاء 2009
الرجوع الى أعلى الصفحة 
صفحة 1 من اصل 1
 مواضيع مماثلة
-
» أبراج اليوم الثلاثاء 11-8-2009
» اخر صور الاعلاميه سهير القيسي
» لعبة بلياردو حقيقية جنان
» صور مهرجان إعتزال هادي خشبة
» كليب عمرو دياب طمنى 2009

صلاحيات هذا المنتدى:لاتستطيع الرد على المواضيع في هذا المنتدى
الهـــــــــــــــــــــــــــــــــــــنا صلى على الحبيب النبى :: المنتدى الاجتماعى( الاسرة _ الطفل) :: منتدى حواء(للبنات فقط)-
انتقل الى: